تتر مسلسل كلام نسوان لا دموع علي فرقه

البدايه

لا دموع لا فرقه ولا ذكريات وجروح

ضل البيوت ابقى لما تضل الروح

وسط الزحام القلب مالقاش حد؛؛؛ ولا في مكان للروح يطمنها

عايشه وغربة نفسى ملهاش حد ؛؛؛ وكل حلم في عينى تاه منها

وكل حب بصدقه بيروح

لا دموع لا فرقه ولا ذكريات وجروح

ضل البيوت ابقى لما تضل الروح

البرد قاسى والدفا بيقل ؛؛؛ وجراح تسلم خطوتى لجراح

غير الحيطان ياقلبى ملناش ضل ؛؛؛هى الأمان لو غابت الأفراح

لا دموع لا فرقه ولا ذكريات وجروح

ضل البيوت ابقى لما تضل الروح




النهايه

مش راح ندوب في الوحده والمجهول ولا فرح يحلا بدون مانتألم

واحنا ونس بعض اما ليلنا يطول بتهون جراحنا لما نتكلم؛؛؛

ايه يعنى جرح يفوت مادام عايشين لسه الحياه فيها وياما نشوف

لو حتى زاد الشوك عليه ماشين ولا يوم هنرضى ننحنى للخوف؛؛؛

مش راح ندوب في الوحده والمجهول ولا فرح يحلا بدون مانتألم

واحنا ونس بعض اما ليلنا يطول بتهون جراحنا لما نتكلم؛؛؛

الشمس بكره تحن ع المساكين ويهل نورها بالدفا والشوق

تطرح ورودنا ويفرحوا العاشقين بحر الأمل يصفا لنا يوم ويروق؛؛؛