يا قلبي يا عصفور

[youtube]https://www.youtube.com/watch?v=x7MaaBhH4mo&feature=share[/youtu
beيا قلبي يا عصفور بجناحك المكسور
عايز تطير على فين يا قلبي يا مغرور
طول ما الجناح مكسور
كل الفضا شبرين وأقل من شبرين
يا قلبي

غنيت للحب كتير من غيرما تآمن فيه
ومن قلب لقلب تطير واللي بيهواك ترميه
يشكي لك الامه يحكي لك غرامه
ولا ترحم دموعه ولا تسمع كلامه
وتقول الحب ده وهم كبير
دي الوقت صبحت ف ايده أسير
مش قادر تبعد أبداً عنه
ولا عارف تخلص أبداً منه

فهمني يا مغرور بجناحك المكسور
عايز تطير على فين دور في مكانك دور
طول ما الجناح مكسور
كل الفضا شبرين وأقل من شبرين
يا قلبي

الحب يا قلبي رماك على قلب مالهش امان
بصفي حسابه وياك عن قلب جرحته زمان
كان عايش بجرحك يشكي لك وتضحك
صبحت انت تشكي والغادر بيضحك
دي الوقت الماضي بتترجاه
واللي انت رميته بتبكي هواه
وعرفت النار م النور والكاس ازاي بيدور

فهمني يا مغرور بجناحك المكسور
عايز تطير على فين دور في مكانك دور
طول ما الجناح مكسور
كل الفضا شبرين وأقل من شبرين
يا قلبي
]