الموســـــــــوعه النثريه نثرات ونبض

خذني وهاتك .. كلمات د. أديب بازهير





تعـال أرجـوك خذنــــي لك وهاتك ترانـي بدونـك ضايـع في حياتي

بعثـرنـي و رسيــــني في مرساتك واقطف زهـور حبـك من شتلاتي



أبشوفك دنـيـــــــا حضـنها لمساتك و برسـمك علـى صدري بآهاتي

أبعزفك حـــــب بألحــان همساتك وبسهرك قمـر تنـورلـي سهراتي



أبنـثر شوقــــي وأتغزل في حلاتك و أكتبـك قصـايد و أوزنها بذاتي

تــدري ليه أنا أعشـــــــــق وجناتك اسأل شـفاتي و فيهـــا اجاباتي



ابشـرب الـــــروج اللي في شفاتك وتذوق الشهـد من عسـل شفاتي



لو تبـي عــــيـني ماتغـلى وجـاتـك فـداك رمـشي وجفـني وغمزاتي

خذ صـدري واصهر كياني بذاتك خلنـي في حضنـك ألملـم شتاتي



أبسكنــــك و ألقـاني في خصلاتك و ألقـاك فيـني طبعـي و صفاتي

خـذ من عمري وعيشه في حياتك وبـقسـط لك الباقي اليـن مماتي



فقير ما أمـلك غير حبــك وغلاتك وراس مـالـي أشعـاري وأبياتي

تعـال أرجـوك فاتني اللـــي فاتك هاتنـي عندك وباخـذك يا حياتي

اشهد يازمان .. كلمات د. أديب بازهيـر

صدرِك بيتـي وبيتـِك أحضاني أخبيكِ تحت رمشي و الأهداب

و أصرخ وأقول اشهـد يازمان أحبها أعشقها أموت فيها كمان



أرتوي حنانِك وأرويـكِ حناني وأتأمل فيكِ وفجمالِك الجذاب

أنا فيكِ مغرم ومتيـم وولهـان وأدمنتِك وأدمنت هـذا الحنان



من يوم حبيتـِك نسيت أحزاني وزانت حياتي حتى حظي صاب

هانت جروحي وعذابـي هان حبِك عوضني عن كل الحرمان



حبِك خـلانـي انسـان ثاني خـلانـي قوي و قد الصعاب

أحبِك بجنـون واشهـد يازمان كل شي في حياتي بحبهـا زان



أحبِك و حبك غير كـل كياني ولو قلت بنسـاكِ تراني كذاب

حبِك ما انخلـق فيـه النسيان حبِك للأبد علـى مـر الزمان



أبصرخ وأقول اشهـد يازماني أبعترف بحبـها لكل الأصحاب

وأبعلن قصـة حبي لكل انسان وأبكتب أحبـك بكل الألوان



وأقـول اوقف يازماني وانساني أنـا في حضنها أنسـى العذاب

خليني في دفاهـا وروح يازمان خليني أشـمّهـا في كل مكان



و أبوسها بجنون وأعطيها لساني ولاراح أحسب لأحد حساب

وأدوخ وأقول اشهـد يازمان طعم شفايفها جاب لي الجنان



على صدرهـا أعـزف ألحاني و أكتب أشعـار و أألّف كتاب

تنام و أنا على صدرهـا سهران وتصحى تقول ماشبعت أحضان



ألعب بخـدهـا بفمي و أسناني وأتأمل في لون خدهـا اذا ذاب

أغازلهـا و تقول غازلني كمان أموت في دلعهـا كيف ماكان



اذا ماغازلتهـا تسهـر وتعاني و تجي تسألنـي تبـي الجواب

وتقول اشفيك ياعمري زعلان وتبكي و في عيونها أقرا الحنان



لـون عيونها يهيـج اشجاني أهوى عيونها بـدون أسباب

شوف عيونهـا واشهد يازمان أعشق عيونها عشـق الجنان



هي الأمل واحساسهـا الأماني حبها الـمطر و قلبها السحاب

فمها الشـراب و أنا السكران والله انـي في وصفهـا حيران

واشهد يازمان ...

قصـة طبيب اتخـدر .. .. كلمات د. أديب بازهيـر

يانـاس شفت القمر و القمر من وصفها يفخر وطلّـة القمـر تزرع الفـرحه وتجني حصاده

بحـاول أوصـف لكم وأعبر بس ماراح أقدر أصلاً مـا يزيـد فيـها المديـح ولا الاشاده



بـحكـي لكم قصـةٍ غريبه عن طبيب اتخدر طبـيب شاطـر بس عيـبه ثقته بنفسه زياده

لـين طـاح و الكل صار يتشمّت فيه ويسخر واذا طاح العـزيـز ظهـروا نقاده و حساده



التقـى فيهـا وكان أول لقا قبل ثلاث أشهر في الـدور الثـانـي على باب ذيك العياده

ضِحكـت له و ضحكتها ياناس تبهر و تسحر واتـقـربت منـه تبي تكسب رضاه ووداده



و هـو واقف وكأنـه واحد واقف في معسكر وقفـة ذاك العسكري بين الضبـاط و القاده

يـهلّـل ويـكبّـر و يحاول يستوعب المنظر يتأمّـل فيها و التأمّـل فـي خـلقـه عباده



سبحانـه الخالق سبحانـه اللـي فطر و صوّر رزانـه وهيـبه مثـل هيـبة الملوك والساده

سـألـتـه و من سـؤالها ضاع جوابه وتبعثر كأنّـه طالب كسول خايف من عصا أستاذه



صوتـها كأنـّه مخـدّر أوكـاس منه يسكر رد عليـها بس ما استفادت منه أي استفاده

وقتهـا كـان كلامه غريب وملخبط ومكسر وكـأن لسـانه سهـم منهار وطيّح اقتصاده



ارتبـك مـن لـمسة يدّها وحتـى حاله تغير وضـاع بيـن السـؤال وبين عطرها ورذاذه

صار هو المريـض وصارت تقولّه عسى ماشر وقالت لـه تعال و ارتاح على هذي الوساده



وراحت و قالت عـن اذنك يا دكتور يا أسمر وتركتـه لظـلام اللـيـل هايـم في سواده

مـدري شـصـار في كيانـه ليه تغير وتأثر وين العزيـمه اللي فيـه وين قـوة الاراده



ويـن الجبـل اللـي مايهـزه ريح و مايدمر ويـن الثقيل اللي مايـميل مـن قوّة عناده

ويـن اللـي وعـد قلبه من التعذيب يتحرر ويـن اللـي أعلن على الحب سكوته وحداده



كـل شـي فيـه تبخّـر مثل المطر لما يتبخر حتـى وعـده مـع قلبه نسى وقته وميعاده

يانـاس جـميـله وجـمالها فوق مانتصور حتـى لون عينهـا وسحره مختلف عن العاده



لـو قـالت هـلا ينـقال فيها شعر ويتسطر وينسمع صداهـا علـى مـر الزمان ومداده

لـو زعلت يذبل الزهر و تضمر أوراق الشجر وبدمعهـا المجـروح تبـيد كل البشـر اباده



لـو مـرت في مكان بعطـرها المكان يتعطر ومـن شافهـا ينسى اسـمه وتاريخ ميلاده

يانـاس ماينـلام هـذي ملاك في صورة بشر فيها شـي يهـز الكيان ويلبّـى للقلب مراده



أتـمنـى تـجيـه مره ثانيه و تسأله و تؤمر أكيـد انـه مجهز لـهالـمعركه كامل عتاده

ولــو تبـي يعلّمـها جراحه ماراح يقصر حتـى لـو تبي يشرح لها عن النسا والولاده



لكنـها راحـت و ايش حيلة المضطر لو ينطر حتـى قلـبه يشـتعل نـار لـين بيّن رماده

وهـذا أول لقـا وشكلـه الأخير الله يستر كأنـه حلـم عاشـه في منـامه بكل أبعاده



وحسبـي الخالق عـليها و على الحظ الأغبر ولكـل جـواد كبـوةٍ وحـده مالها اعاده

وهـذي هـي قصتـي أنـا اللي تخدر وتعثر وهـذا هـو عيـبي أضيع في الجمال وبلاده

مـالقيت اللـي تـملـى عـينـي

.. كلمات د. أديب بازهـير ..

للحين مـالقيت اللـي في بالـي و ماني ملاقـي اللي تملى عينـي

ماني شخص مغـرور ولا أبالـي لكن من غـدر الزمـان فينـي



أحيانا أقول خلاص الحظ جالـي و بـتزين دنياي و تحلى سنينـي

و فجأه ألقى ان الشقـا قبالـي وألقى ان الفرح مايبـي يجينـي

ما ملت عيني بهالكـون بنت أبـد

ماهو غرور ولاتكبـر علـى أحـد

فيه مَثَل سمعتـه ومعجب فيـه يقول فكر في اللي يفكر فيـك

و ابكـي عاللي يبيك و ماتبيـه ولا تبكي عاللي تبيه و مايبيـك



ومن حبك بيع الكون واشتريـه واعرف انـه بحياتـه يفديـك

ومن تمنـاك كل الحب اعطيـه ولا تفكر باللي متكبر عليـك

وأنا ضيعت كل اللـي يتمنونــي

وليتني لقيت أحد يملـى عيونــي

مدري فيني شي والا مسحـور والا فيني عين وأحد حاسدنـي

المشكله يقولون عنـي مغـرور وأنا معرف الغرور ولايعرفنـي



ويقولون انـي عايش بقصـور وانـي أحب والغرام مغرقنـي

والله ما يـدرون بكل الأمـور ولا يدرون ان الحـظ ذابحنـي

وما صـار شي من اللي يقولــون

وأصلاً ما حبيت ولا هم يحزنــون

ناعـمــه .. كلمات د. أديب بازهيـر

جالسـه و حاطه رجلها على ركبهـا ناعمه و الـدلـع من أجمل صفاتهـا



وسانده يدهـا علـى دفا خصرهـا حلوه و جـميله و جذابـه نظراتهـا



فديت النعومـه وعيونـها و نظرهـا بالدلـع و الـدلال عايشـه حياتهـا



حلوه و ناعمه و صغيـره في عمرهـا وظـلام الليل ينـور مـن بسماتهـا



العود و المسك ياخـذ من عطرهـا والشِعر يفتخـر بنفسـه من أبياتهـا



ناعمه و النعومه من أولـها لآخرهـا والزمن يوقف عند ساعاتها و اوقاتهـا



أنـا احتـرت كيف أوصف شَعرهـا ناعمه ومن نعومتـها رقه بكلماتهـا



ليتني شمـس يومهـا ليتـني قمرهـا ليتني روج و أذوب بعسـل شفاتهـا



ليتني شامه و أعيش حياتي بصدرهـا ليتني همسها ليتني حروفها و كلماتهـا



ليتني خـاتـم و تحركنـي بأمرهـا ليتني جمـالها و أفتـخـر في حلاتهـا



ليتني أنا ليلهـا و أصحى و أسهرهـا ليتني بسامـتها و أفرح بضحـكاتهـا



ليتني تفاحـة خـدهـا ليتني ثمرهـا ليتني حبها وأذوب كل لحظه بغلاتهـا



ليتني غيومها وسحابهـا ليتني مطرهـا ليتني حزنهـا ودمعهـا ليتني عبراتهـا



خـلاص بصراحـه نويت أسحرهـا وأعيش كـل لحظـه من لحظاتهـا



أبغـى أشـم مـن وردها و زهرهـا أبغـى أتنـفس أنفـاسها و آهاتهـا



أبغـى أضمهـا و أغـرق في نهرهـا أبغـى أعيش وأموت و أحيا بجناتهـا



ناعمه و دلـوعه مـن أيام صغرهـا وياحظي دام النعـومه أجمل صفاتهـا

طيفك في بالـي .. كلمات د. أديب بازهير

أنا أحبـك و أموت فيـك و طيفك ساكـن في بالـي

وعيونـك أنـا أعشقهـا وأسهرهـا والسهر يحلالـي



في الزحمـه أفكـر فيـك و اشلون لو جلست لحالـي

أنا شمعه ولجـلك أحرقهـا لجل تنـورلك عتم الليالـي



تعال الحيـن بالله عليـك وشوف بحبك ايش جرالـي

عيوني تبكـي من شوقهـا وقلبي يشكـي من حالـي



كل همـي كيف أرضيـك وهذا كل حلمي و آمالـي

أدور الفرحـه و أسرقهـا وأعطيك من فرحي ياغالـي



اذا ما جيت أنـا أجيـك ولوغبت طيفك هنا قبالـي

هـذي دقنـي و احلقهـا لو لقيت مجنون فيك بدالـي

أحبه بس حبه متعبني .. كلمات د. أديب بازهيـر

أحبـه و الكـل يشهد بغـلاه أحبـه و منـه الله لا يحرمنـي

أعشـق فيـه جمالـه يامحـلاه ولـون عيونـه اللي تذوبنـي



يا ويلـي عليه لـو بس ألقـاه يروح يومه كله و هو بحضنـي

لكـن الزيـن ما يكمل حـلاه حبـه حلو لكنه حيل متعبنـي



يبيـني طـول الوقـت وايـاه ما أتركـه و لا يبي يتركنـي

مايبيـني أتكلـم الا معــاه وبجنون غيرته صـار يعذبنـي



و لـو تأخرت لحظة عن لقـاه يزعل و يقـول ليه تكرهنـي

المشكـله انه يعرف غــلاه ويعـرف انـه بحبـه مجننـي



لـو زعل أضيع في دنيــاه و أتمنـى لـو الأرض تبلعنـي

ياويلـي بس لو جاني جفـاه أتعب والبعـد حيل يضايقنـي



مـا أقدر أتحمل لحظة فرقـاه أتعب و أحس ضميري يأنبنـي

أحيـان أقول خلاص أبنسـاه و بروح وبقولـه لا تكلمنـي



و أقـول أحسن أعيش بليـاه ما أبيه يتصل و لا يسأل عنـي

يمكـن أرتاح من حبه وبلـواه يمكن البعـد عنه راح يريحنـي



و لمـا أروح وأتقابل معــاه ألقى اللهفة فينـي تقتلنــي

و أنسـى اللي كنت أنا أبغـاه وألقى كل أحاسيسي تكذبنـي



فجـأه ألقى نفسي بين دفـاه وأضـم صدره لين ما يحرقنـي

وأتنفـس من شفاته و هـواه وأقـول له ماأبيك تبعد عنـي



و أنسـى اني قلت أبي أنسـاه وأتذكر انه بالحيل واحشنـي

أحسـه مالـكني بحبه وغـلاه وبلون عيونه أحسه ساحرنـي



بروحـي وحياتـي أنا أفـداه فديت حبه حتى لو متعبنـي

ما أقول غير بجنـون أهـواه وعن حبـه اللـه لايبعدنـي

شعر غزلي رائع
أتقنه كاتبه في وصف حبيبته
وأتقنته حضرتك في نشره
كل الحب والتقدير شاعرنا
دائماً رائع

يازينها.. ! .. كلمات د. أديب بازهيـر

ماني عارف وايش أكتب من أبيـات من يوم شفتها و أنا مدري ايش فينـي

ماني عارف وايش اقول من كلمـات شفتها ونسيت النوم والنـوم نسينـي



من لون عيونها ضاعت كل العبارات من يوم شفتها ما قدرت أبعد عينـي

للحين ماني مستوعب ذيك اللحظات الظاهر اني فيها انجنيت الله يشفينـي



يوم شفتها تبتسم في وجهي ابتسامات حسيت الشمس أشرقت على جبينـي

شفايفهـا وردة ! لا والله انها وردات وخشمها سيف يجرحني و يداوينـي



فديت عيونها وفديت ذيك النظـرات فديت خدها بروحي وأيامي وسنينـي

صوتها كأنه أنغام وألحان و مقامـات نادتني و ياويلي عليهـا يوم تنادينـي



صوتها دوا لكل الأوجاع والآهـات وحضنها الـدافي من دفـاه يدفينـي

شفتهـا ولا شفت مثلها بين البنـات يازينها ومن زينها ضعت مدري وينـي



أحلف انها ملكة جمال كل الملكـات وأنا والله اذا حلفت أصدق في يمينـي

ما أقدر أوصفها بالأشعار والأبيـات لأني من يوم شفتها مدري ايش فينـي

الروعه في وجودك سيدتي الرائعه
دمتي ودامَ حضوركِ العطر

وسلمتي غاليتي
ورد شان احترامي لكِ وتقديري

جميل جدا اخي عدنان
دمت بسعاده وود

اعطاك الله العافيه