ما تروح ....

ما تروح , ما تروح وتتركني لوحدي إسهر
خليك ,تغزل فيّ , وبالغزل خليني اسكر
ما تروح وتتركني من بعدك اتحسّر
وتشيلني ع رفّ النسيان اتغبّر
ما تروح , ما صدّقت لقيتك , رفيق الروح سمّيتك
وبين جفوني خبّيتك , ما تروح بأغلى الأحباب حلّفتك
لا تسكّر البواب , بعد ما باب قلبي فتحتلّك
قللّي شو بسمّيك ؟ بسمّيك زهر ما بينوصف؟
بسمّيك لحن بعدو ما انعزف؟
شو بسمّيك بكلمه ؟
ما إنت الشعر الّلي بعدو ما انكتب
بسمّيك حلمي ؟
بخاف بليله أوعى ومنّي ينسلب
إنت ورده نادره ,, زرعتا بقلبي
إنت بكلمه ,, قادره تنورلي دربي
إنت الحلا والوفا كلّو ,, وقلبك بكنوز الدني ما بدلو
شو بهديك ؟ بهديك العمر ؟ خلّي العمر تعيش كرمالك
بهديك القلب ؟ خلّي القلب تيحمُل تعب إيامك
قلّلي شو بهديك ؟ بهديك الروح ؟
طب ما إنت الروح ,,,,, بس خليك ما تروح