الحزن والفرح توأمٌ لايلتقيان

انتي الذوق وانتي الحسن وانتي الزين بألوانه
جيتك شايلٍ ورده حمرا عطرها موزون
وبس عرفت لمن بتروح ذبلة حيــل خجلانه
الا سبحان هالخالق امره بين كاف ونون
وهبك الحسن ويا الذوق وصرتي اول اركانه
كواكب هالسما بالليل لي من تظهري يسرون
ولو تمشين في وادي توقف ذل غدرانه

أسهرتنـي يا غـلا والنـاس هـجّـاعِ
النـوم عـنـي جـلا يا زيــن الأطـبــاعِ
الهم منـك اعتلى والصد بك شاعِ
ما قلت لي وش بلا العهد منك ضاعِ
من بدّ كـل المـلا عـيني لك تراعي
يا كـامـلٍ بالـحـلى ما للـجـنا داعــي
ارجع ترى لك وله من بين الأضلاعِ
إن جـيت لي يا هــلا مانـي بـطمـاعِ
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

إسمحي لي ياأمل في كلمتين
كلمتين أبقولها قبل الرحيل

بكرا تنسيني وبغيري تلتقين
لكن أنساكي أنا شيء مستحيل

ياأمل في داخلي جرح دفين
ماأقدر أرقد لابنهار ولابليل

ياأمل سموني بعدك بالحزين
أمشي وأبكي ياأمل كني هبيل

ياأمل تعبت من كثر الأنين
أشكي من همي ومن ليلي الطويل

ياأمل وشفيه قلبك مايلين
شعري ذا لو يسمعه صخر(ن) يسيل

ليش صديتي وقمتي تبعدين
وين قولك أول إن مالي مثيل