خواطر لها وقعٌ على قلوبنا

توه اتصل علي حبيبي ويعاتبنـي زعلان ويقـول ليه ماتتصل فينـي
استحيت منه و حسيته أحرجنـي وقلت له هالأيام مشغول ياعينـي

و عندي بعد اختبارات وسامحنـي و يادوب الوقت بالقوه يكفينـي
قدر ظروفي وأرجـوك اعذرنـي والله عالبال وبدمّـي و شرايينـي

أنا مقصر معاك و لا تزعل منـي ودي أجيك لكن مـو بايدينـي
وكان نفسي أصـرخ ويسمعنـي وأقوله وحشتني و بعدك مشقينـي

و أقول مشتاقلك و بعدك ذبحنـي و أبي صدرك يضمنـي ويدفينـي
بس ماقلت له غير بعدين كلمنـي لأن صاحبي كان قاعد على يمينـي

ومن يوم قفّـل السمـاعه عنـي وأنا ضايع والله مـا أدري وينـي
نغمات صوته في أذنـي تغنـي صوته ذوبني دوخني زود حنينـي

ياخوفي يكون زعل وبيخاصمنـي والا أخذ بخاطره وزعل ومايبينـي
لا لا حبيبـي وماخاب فيه ظنـي مايزعل وأكيـد بيتصل و يجينـي
كلمات
د. أديب بازهير

أحبه موت و مـا أنـلام واللـي يلومـني بتحملّـه
أسولف واياه في المنـام و خيـاله دايـم أتخيلّـه

مثل ما وصّلـني للهيـام والله للجنـون لأوصلّـه
وصفه مستحيل بالكـلام ربـي أبدع فيه وكملّـه

حياتي معاه كلها غـرام و طول اليوم أنا أكلّمـه
أحبه وهو كل الأحـلام والله يخليـه لي و يسلّمـه

يامحلـى حبه ويا سـلام وليـل ونهار و أنا أتصلّـه
أحمد الله الخالق العـلام على هالحب اللي محصلّـه

كلمات
د. أديب بازهير

مشكلتي اني حبيت وحده صغيــره والمصيبه انهـا هـي بعد تعشقنــي
صارت بقلبـي الأولـى والأخيـره واتربعت في قلبـي وعيت تتركنـي

أسرتنـي بحبهـا و هي بحبي أسيـره وعيبهـا انـها ما تقدر تبعد عنـي
والله انـها مـتـعبتنـي بالغيـره وبدلعهـا وجنـون شوقها تعذبنـي

لو تأخرت عليها مشكلـه كبيـره ولو جيت بدري تستغرب وتسألنـي
وان غيرت الموضـوع تفتح السيـره وان تكـلمت تقـول لازم تقنعنـي

ولو أغازلـهـا وأناديهـا الأميـره ألقاهـا تنغـر بحـلاها و تعاندنـي
و لو تركتهـا تبـان عليها الحيـره وتجينـي وتقـول ليه مـاتغازلنـي

والله قصتي معاهـا قصـة مثيـره وفوق كــذا أحبهـا وهي تحبنـي
واللي ما عمره عشق وحده صغيـره مااتهنى فـي حياته تعـال واسألنـي
كلمات
د. أديب بازهير

أخيرا لقيت اللي يفهمني أخيرا لقيت اللي يسمعني
أخيرا لقيت اللي يحبنـي أخيرا لقيت اللي يعشقني

قبل ما أشكـي ألاقيه يواسينـي
قبل ما أبكـي ألاقيه يهدّينـي
قبل ما أحكـي ألاقيه يدلّلنـي

يقول آمر تدلل يا نظر عينـي
كل كلي يفداك وايا سنينـي

وايش أبي أكثر من كذا مايبي مني غير كل الرضا
عايش معاه بسعاده وهنا نساني الهموم وكل العنا

ان زعلت يضيق صدره و مايهدا الا لما يراضيني
وان تعبت مايفيد صبره مايتركني الا لما يداويني

أخيراً لقيت منهو يحبني و أحبّه أخيراً لقيت منهو يودّني وأوده
ان غبت عنه نار الشوق تشبّه وان تركته شوقه المجنون يرده
كلمات
د. أديب بازهير

أحـبـه مـوت يـانـاس و زياده
أحـبـه مـوت يـانـاس كالعاده
ان شفته أقول بشوق هلابه واذا غاب أشكي من غيابه
أحبه موت وماأقوى عذابه أحبه وأموت بحبه وأحيابه
والله اني أحبه موت يـانـاس
أحبه موت قولوا له يـانـاس
حلو والأحلى احساسه ما في مثله بين أجناسه
يعجبني فيه حَرّ أنفاسه والله أحبه موت ياناس

اذا حكى أناظر بعيونه واذا بكى أمسح دموعه
واذا غاب أضيع بدونه وأحس اني أحبه ياناس

ياليته بس يعبر عن حبه والا يقـول اللي بقلبه
أبيه يقولها ويلقاني بقربه أحبك يقولهـالي ياناس

لما يقولها يذوبني بجماله عمـري وروحي حلاله
وكل اللي عندي فداله بس يقول أحبك ياناس
كلمات
د. أديب بازهير

تحملنـي لو قسيت مره عليك تحملنـي لو جا يوم وخطيت
عاتبني بالملام و ضمني بايديك تدري أنا أحبك مهما جفيت

تحملني اذا حسيت في يــوم
اني قسيت في حبي معــاك
أبي أسمع منك كامل اللــوم
وأتأكد اني هايم في هــواك
تحملني أنا انسان مرهف الاحسـاس كلي احسـاس كلي عذب أنفـاس
مين غيرك يفهمنـي بين كل النـاس مافي غيرك حبيبـي بين هالأجنـاس

تحملني ان شكيت أو بكيت تحملني لو عليك أنا خطيت
تحملني لو في حضنك بكيت تحملني لو عليك أنا حكيت
تحملني لـو قلت اني حبيت وانك ما عمرك عني دريت
تحملني لو من حبك شكيت وقلت أنا فيك مـا حسيت
تحملني يا حبيبي هذا أنا مثل ما أنــا مافي غيرك بهالدنيا يتحمل طبعــي
أحبك موت وأبيك لي وحدي أنــا ومافي غيرك بهالكون يمسح دمعــي
مالي أحـد غيرك بعد الله وربـي
ومين بعد ربي غيرك ينفس كربـي
لو قلت لك أحبك تراها مو كلمـة والسـلام هالكمه احساس نابع مـن أعمـاق وجدانـي
هالكلمه نبضه في قلبـي وترجمهـا الكـلام ومضه في ظـلام الليـل ساكنـه في كيانـي
تحملني لو تخاصمنا و اعرف انه ملـح الغـرام أنا أحبـك و حبي لك أكبر من كل المعانـي
كلمات
د. أديب بازهير

تبيني أنساك والله مـا أنسـاك أصلاً مو بكيفي غصب عنـي
وين ماتروح والله راح ألقـاك ولا تفكـر انك راح تتعبنـي
أنا فاضي بس شغلي بدنيـاك ما راح أتركك الين تعشقنـي
والله العظيم وراك يعنـي وراك حتى بالحلم بتقول لا تلحقنـي
مابنساك عسى الموت ينسـاك حطيتـك براسي و لاتسألنـي
حلفت أجيبك وأذوق هـواك وأنا اذا قلت محـدٍ يعارضنـي
أنا أعرف عـلاجـك و دواك وأعرف كيف أخليك تدلعنـي
لا تفكر بعيش لحظـة بليـاك أنت لي وأنا لك ولا تناقشنـي
لا تحلم أنساك والله ما أنسـاك حتى لو تقتلني وتجـي تقبرنـي
.. اللي يحب انسان ويهـواه ..
.. مستحيل انه فيوم ينسـاه ..
... والله ما أنساك ...
كلمات
د. أديب بازهير

أحبك طول العمر وعمري كله فداك أحبك و أعشقك و تفداك كل سنيني
أحبك ومهما أقول ما أعبر عن غلاك أحبك طول العمر وعمري ما يكفيني

أعشق ليلك و أموت و أدفى من دفاك ودي أضمك سنين العمر بين ايديني
أعشق خدك و أموت لما أتنفس هواك نفسي أشمك أيـام الدهر يانور عيني

أعشق لونك وأهـوى بوسـة شفاك نفسي أبوس شفاتك عساها تشفيني
أحبك موت وأعشق أرضـك وسماك أحبك موت ياسارق شوقي و حنيني

أحبك فـوق وتـحت وهنا وهناك أحبك لـما أجيك و أحبك لما تجيني
أحبك ياعسى الهـم و الموت ينساك أحبك و مافي أحد عنك يقدر ينسيني
كلمات
د. أديب بازهير

أحبك حب ماعمري حبيته أحبك حب ماعمرك تحبينه
أحبك حب ماعمري عطيته أحبك حب ماعمرك تعطينه
أحب عيونك وطول رموشـك
أحب خدودك وأحمر شفاتـك
أحبك حب ماعمري لقيته أحبك حب ماعمرك تلقينه
أحبك حب بحياتـي شريته أحبك حب بروحك تشرينه
أحب جسمك وجمال خصـرك
أحب شعرك الين آخر ظهـرك
أحب أسمعك يوم تنادينـي وين ماتروحي راح تلقينـي
ياعسى تحبيني وتموتي فينـي ياعسى تشبعي من حنينـي
أحب كل شي ساكن جمالـك
أحب كل شي يوصف دلالـك
أحب دفاكِ يـوم تحضنينـي أذوب فيكِ لو تطالعينـي
أروح فيها لو بس تضمينـي أنسى اسمي لو بس تبوسينـي
كلمات
د. أديب بازهير

ياناس أحبه وهو مو مصدقني كل ما أقول اني أحبه يكذبني
مدري غرور والا يبي يعذبني مايدري اني عايش بس عشانه
والله اني أتعب لو شفته قبالـي
يتلخبط كلامي وأنسى حالـي
أنا وروح روحي وقلبي فداله لو يبي بعد أكثر قولو له جاله
يامرني أمر بس أكون في باله قولوا له يصدقني تكفون أمانه
أحبه وليته يصدق كل كلامـي
أحبه وليته يحس شوي بآلامـي
ياناس قولوا له بحالي تكفون قولوا له اني ميت فيه بجنون
قولوا له كفايه شك وظنون عهدٍ علي أحبه بدون خيانه
كلمات
د. أديب بازهير

عذبني بـغمزاتـك و نظراتـك وارميني بسهام الوله من عيونـك
عذبني بضحكاتـك و بسماتـك وعلقني فيك و خلينـي مجنـونك
عذبني بـصـدّك وعنــادك
عذبني بـهـجرك وبعــادك

عذبني أكثر وأكثر
وأنا بتحمل وبصبر

كل همـك بس تعاندنـي ولو تبي عاندنـي زيـاده
مغرور فديتك يا معذبنـي ويازينهـا والله من عـاده
ياليت بـس أكـون أنا حبـيبـك
وتعذبنـي ويـازينـه تعذيبــك
اسكن في قلبـي واتربـع ياغالـي هذا قلبـي اجرحه المهـم ترتـاح
أنا وقلبـي فدوه لجرحك الغالـي أبيع راحتي وأشري منك الجـراح
عطني جروحك أبيها لي لحـالـي وخذ مني كل ماعندي من أفـراح
هات همومك وعطني أحزانـــك
أنـا عايش بالدنيـا عشانـــك
لو تسوي اللي تقدر
حبك كل يوم يكبر
اجرحني وعذبني ياحلـو تعذيبـك يازينـه عذابك ويازين الجـروح
اهجرني و اتركني ما راح أسيبـك وين ماتـروح والله معـك أروح
مالي غيرك و مالك غيـر حبيبـك بالعربي أنا حبيـبك ياروح الروح
خذ حناني واروينـي حنانـــك
خذ حضني ودفيني بأحضانـــك
ولو بتعذبنـي .. عذبنـي .. ياحلو تعذيبــك

كلمات
د. أديب بازهير

أنـا قلت اني لقيت غيرك ونسيتك
كمان قلت اني حبيت غيرك مليون
و قلت خلاص أنا بعتك وماشريتك
والشعـراء يقولـون مالا يفعلون
لا تصدقني لو قلت في يوم نسيتك
أنا والله ما نسيتك و لاهـم يحزنون
ما نسيتك لكن أعترف اني جفيتك
جفيتك و جرحتك لأني فيك مجنون
سويت كذا عشان تحس اني هويتك
والظاهر اني زودتها و صـرت أمون
الكل يحسب اني كرهتك و نسيتك
و أنا توي بـديت بحبك و مايدرون
أنا فتحت عينـي في الدنيا ولقيتك
و الحب الوحيد في حياتي ما يهون
أكيد مستغرب ليه أنا اليوم جيتك
لا تستغـرب وأحسن فيني الظنون
يالله عـاد اضحك وابتسم فديتك
أنا وقلـبي وكلـي فدوه لهالعيون
أنا أعتقـد بذي القصيده راضيتك
عشان تعرف ايش كثر قلبي حنون
بس لاتنسـى اني قلت اني حبيتك
و الشعـراء يقولـون مالا يفعلون
يعني يمكن اني كرهتـك و نسيتك
ويمكن مـاحبيتك ولا هم يحزنون
كلمات
د. أديب بازهير

حاسس بحبك ياهناي حاسس بحبك ياغلاي
زانت معـاك دنياي روحي و حياتي فداك
أنا باختصـــار أهــواك
أنت مو مقصر معاي ولايهمك غير رضاي
وماتقدر تعيش بلياي غالي وماينوصف غلاك
أنا أتنفـــس هــواك
أحبك وحبك مناي حبك ارضي وسماي
حبك عشقي وهواي وطول العمر أستناك
أنا باختصـــار أهــواك
لون عيونك دواي ودفا صدرك شفاي
وحنان قلبك واياي وقلبي ومفتاحه معاك
أنا أتنفـــس هــواك
كلمات
د. أديب بازهير

فديت حلاوة هذي الخـدود وياويلي من هذي العيـون
جنوني في حبـه ماله حـدود وياويلي صايـر قلبي مجنـون

من حبه أنـا سهرت ليلـي فديت اللي مسهرني الحنـون
لو يتكلم أذوب فيه ياويلـي أحبه ويمون ومن حقه يمـون

ياويلي عليه بس لما يبوسنـي أضيع وأنسى وين أنا أكـون
ياويلي عليه لو بس يطالعنـي ياويلي أحس نفسي مجنـون
كلمات
د. أديب بازهير

الحياه حلوه ليه بس يا قلبـي تعقدهــا الدنيا يا قلبي لا تحسب لها أي حسـاب
تضحـك الدنيا اذا احنا نبي نضحكهـا لا تبكي اذا حبيبك يـاقلبي فيوم غـاب
الجراح مؤلمه لكن برضـو لا تصعبهـا أنا معك ان الجرح كاس هموم وعـذاب
لكن لاتعتبرهـا مصيبـه ولا تكبرهـا مهما كان و صار خلك قوي قد الصعاب
اذا أقرب النـاس خانك لا تستغربهـا بهالـزمن ما يخونك الا أعز الأصحـاب
لسه الحياه قدامك ياقلـبي لا تضيعهـا عيش حياتك وعيش فيها لحظات الشباب
الحياه حلـوه والعاقـل اللي يقدرهـا وأكيد الحيـاه تحلى بوجود الأحبـاب
طول بالك الحياه حلوه لازم نفهمهـا ومصير الحظ أكيد انه يصيب اذا خاب
كلمات
د. أديب بازهير

أنا نفسي أروح و أكلمهـا ودي أروح لها وأصارحهـا
لكن للأسف مانـي قـادر خايف اني أكلمها وأتنـدم

كل يوم أحلـم في هواهـا وأحلم اني أتكلـم واياهـا
بس مـدري ليه أنا أكابـر والا معاها ماعرف أتكلـم

أنا ليه مـا أروح وأفهمهـا وبكلامي المعسول أغازلهـا
المشكله أنا ماعرف أغامـر لأنـي قدامها أصير أبكـم

يتلخبط كلامي لو ألقاهـا وأنسى الدنيا من حلاهـا
ما أدري اشلون أنا صابـر والشوق فيني يبكي ويتألـم

الظاهر اني بروح و أخربهـا والله يستر بس من آخرهـا
أنـا الين متى أبقى حايـر لازم أكلمها ياعسى تفهـم
كلمات
د. أديب بازهير

يدها على خدها .. حسبي الله على خدها .. كلمات د. أديب بازهيـر
حاطه يـدّهـا على خـدّهـا بغـرور تناظـر وبنص عيـن
منغرّه بحلاها ميـن قدّهــا معاهـا حق تنغر بهالزيــن

فكـرت ألتمس مـن ودّهـا قلت أبـي أسألهـا سؤاليـن
مشيت وأسئلتـي أردّدهــا عشان مـابي أنحرج بعديـن

ويوم شفتهـا ذبت في خدّهـا ليـن راح سؤالي مدري ويـن
دخت منها يلعـن أبو جدّهـا وقلت والله انـك تـهبليـن

أنـا ارتبكت وخوفي شدّهـا لا وما سكت قلتهـا مرتيـن
وقتها ارتجفت وخفت صدّهـا انحـرجت وموقفي صار شيـن

أنا مدري ليه رحت عندهــا وليه أنــا نسيت السؤاليـن
ومدري ليه ماجاني ردّهــا وليه أنـا بس قلت كلمتيـن

ليه على الإحراج أحِدّهــا أنا الحيـن أودّي وجهي ويـن
بسرعه قبل لا توصل حدّهـا خلينـي أعتـذر لها الحيـن

وأقولّـهـا اني مـا أقصدهـا ويخـلق مـن الشبه أربعيـن
وحسبي الله عـلـى خدّهــا وحسبي الله علـى السؤاليـن

كلمات


د. أديب بازهير

أحس قدوم العيـد صار شي عادي كل مره العيـد يـجـي ولا أدري
لكن هالمـره العيـد ماهـو عادي هذي المـره العيد مـع بعد عمري

هو فرحتي وصرختي وكل أعيـادي هو دمعتي وسهـرتي وليلي وفجري
هو حفلتي ورحلتي و عيد ميـلادي هو كلمتي ونظرتـي و مالك أمري

هو قريتي وديرتـي و كل بـلادي هو لحظتي ونصيبي وحظي وقـدري
الناس يعيدون و أنـا معه بـوادي أنا عيدي معاه يبتدي من بـدري

العيد عند الناس تهـاني و عـوادي أما أنا عيدي و حضنه على صدري
حلاوة عيدي بوسه لخده الهـادي ليت العيد معاه يوقف و لا يجـري

فديت عيده بروحـي ودم فـؤادي أبيع باقي سنيني بس عيده أشـري
أهنـي العيـد بقدومـه و أنـادي كل عام والعيـد بعيونـه يسـري
كلمات
د. أديب بازهير

آه من عيونـه يـامحـلاه عيون الـمطر و الربيـع
أرتجف لـو بـس ألقـاه و أنسى مكاني وأضيـع
وأسـرح و أهيم بسمـاه و يجيني احساس فضيـع
والله اني أتعب لو بس أشوفـه وان شفته يروح تفكيري لبعيـد
ياما حلمت اني أضمه وأبوسـه والله يستر من احساسي الجديـد
آه بس من لـون عيونـه أمـوت أنا بهالعيــون
ويلي من رمـش عيونـه صرت بعيونه مجنــون
و ينادونـي مـجنونـه و يسمّونـي المفتــون
والله مدري ليه أعشق وصوفه وليه عيونه تخلي اعجابي يزيـد
وليه لو شفته أذوب في خدوده شكلي أعشقه بالمختصر المفيـد
آه ياعيونـه والله أهـواه عيونه مثل لون السمـا
مافيـه عيـب ولاجـاه و اللي ماشافه انعمــا
آه ياعيونـه كلي فـداه عيونه مثل عيون المهـا
كلمات
د. أديب بازهير

اليوم هو أحلى أيـام حياتـي في هاليوم انولد حبي وغلاتـي
اليوم أعيش أحلـى ذكرياتـي وبستقبـل التبريكات والتهانـي

مثل هاليوم انولد حبي الوحيـد ومن ذاك اليوم والحب يزيــد
بعدهـا انكتب لي عمر جديـد و زان عمري و صار شي ثانـي

اليوم بنثر كل أنـواع الـورود اليوم شوقـي أبد ماله حـدود
الذكـرى بقلبي اليـوم تعـود و تنعاد أحلى و أغلى الأمانـي
الكل
الكل عنـدي اليـوم موعـود الوناسه هنـا والفرح موجـود
بوزن الأوتـار وبعزف العـود أنا اليوم بغني أحلى الأغانـي

اليوم الكـل بيشعل الشمـوع ومافي مكان للحزن و الدمـوع
اليوم الفـرح والضحك مجموع الكل جاني ومن ورده أهدانـي
كلمات
د. أديب بازهير

ياسعدك في عيد ميلادك يامـرحبا والله وهلا بك
جيت بس عشان أقلك عقبال مية سنه فحياتك

بكتب عالجدران فدالك روحي وحياتي وغلاتك
بشعل شمـوعي بآمالك وبطفي حزني بلمساتك

بشيل الـورود بدالك وبطبع شفاتي بشفاتك
وبصرخ أموت وأحيالك وأعشق حبك ونظراتك

آمـر باللي تبي وجالك فديت عيونك وحلاتك
آمر تدلل وطيبٍ فالك ولو تبـي حياتي جاتك
كلمات
د. أديب بازهير

افتح لي قلبك ياقلبي .. كلمات د. أديب بازهيـر
أنـا قربت لك قلبـي بس قلبك كسر قلبـي
مـاأدري ليه يا قلبـي قلبك بعيد عن قلبـي

أرجوك افتح لي قلبـك أبيك تشكيني همــك
أبي أشرب من دمعـك وخل الباقي على قلبـي

صدقني والله ترتــاح وبتلقى الهم كلـه راح
مع دمـوعك ينـزاح وتحسسني انك بقربـي

تكلم عـالأقل شـوي وتعال ابكي بين يـدي
جـرب والباقي علـي وصدقني بيريحك قلبـي
كلمات
د. أديب بازهير

اضحك .. كلمات د. أديب بازهيـر
اضحك وخلني أبتدي مهرجان الغـزل
اضحك وعلمني اشلون ينزرع الأمـل
اضحك وانسى الدنيا وكل اللي حصـل
اضحك وشوف وين احنا ووين الزعـل

اضحك مادام أنا أحبك ياأغلى البشـــر ... اضحك وتفداك حياتي ولحظات العمـــر

ياويلي من ضحكتك اللي خلقت فيني شي ماهو بفينـي
ياويلي من ضحكتك اللي بسببها انزرع حبك بشرايينـي
ياويلي من ضحكتك اللي فيها ضعت و لا أدري وينـي
ياويلي من ضحكتك وياويلي على خـدك يانظر عينـي

هالضحكه هـي سر معزتك وغلاك
اضحك وخذ عمري فدا بسمة شفاك
اضحك وعطني كل هم تشيله بدنياك
عطني الضحكه وخذ كل حياتي فداك
آمر وقـول باللي تبي وأنا أقول جاك
بس اضحك وخلنـي أضيـع بحلاك

ايه اضحك يابعد عمري خلني أقول اللي بصدري
من حب وكلام وتدري حبك مايتحمله صبري
ولا يوم يستريح فكري الا بضحكتك وتدري!

اضحك ياحبيبي و طمني وربك
اضحك فديتك و فديت قلبك
كلمات
د. أديب بازهير

أحبهـا وميـت فيـهـا الله يخليها ومايكفـي لو أكتب فيهـا قصيده
اشلـون أبوصف لكـم اني أهواها وكيف أحتفل بالعيـد وأنـا واياها

أصلا عيـد الحب هو يحتفـل فيها هي عيدي وحفلتي وسنتـي الجديده
قالت في هاليـوم كلمـه ما أنساها كلمه من أربـع حـروف يامحلاها

أموت وأحيـا وأموت وأحيا فيـها لما تقولها معرف أقول جملـه مفيده
ويضيع تفكيري في هالكلمه وصداها وأنسى الدنيا و أتذكر حبها و غلاها

حبيبتي و روحي و عمري أبي أناديها وأبي عيد الحب يعترف انها هي عيده
أفتخـر في حبهـا ولا أحب سواها ومستحيل أعيش في هالدنيـا بلياها

اليوم عيـد الحب وأنـا لازم أجيها والله لأجيهـا حتى لو المسافه بعيده
اليوم عيـد الحب وأنا بجلس معاها أتنفس أنفاسهـا وأذوب في دفاها

أبي العالـم كلـه يعرف اني أبيها أحبهـا وتحبنـي وحبنا الله يزيده
فديت لـون عيونها و أحمـر شفاها سبحانـه أبدع يوم خلقها وسواها

يا ناس أحبها بجنـون وأموت عليها واثق من احساسي ومشاعري أكيده
مغروره ومن حقها تنغـر في حلاها وأفتخر بغرورها مادمت أنا أهـواها
كلمات
د. أديب بازهير

حطيتك في راسي و حلفت أجيبك وأنا اذا حلفت محـدٍ يعارضنـي
راح أشرب هواك و بصير حبيبـك غصباً عليك راح أخليك تعشقنـي
راح أصير دكتورك و بصير طبيبـك وراح أضمك لين صدرك يحرقنـي
وبالعربي كذا أنـا من نصيبــك ولو مو عاجبك بصراحه عاجبنـي
باختصار أنا من نصيبك و بيصيبـك وغير كـذا مافي شي أبد يقنعنـي
والله راح أجيبك يعني راح أجيبـك هذا تحدي وأتحدى انـك تغلبنـي
واثق من نفسي و أدري أنا بطيبـك وأنا راح أخليك تجي وتصارحنـي

كلمات
د. أديب بازهير