كلمات الفنان عبادي الجوهر

- شهر

ياللي تحبيني شهر ..
ثم ٍ تجافيني شهر
ثم ٍ تحنيلي شهر .. وتفكري كيف الرجوع كذا شهر
وترجعيلي في شهر ..
ماقد خطر في خاطرك .. ان السنة اثنعشر شهر ؟!

وقتي معك نصفه هموم
ونصفه الباقي اسى .. ولو طبعك القاسي نسى
وبالصدفة جاء مرة صباح .. وكلمة منك فرحتني
لابد ما همس الجراح .. تسمعيني في المسا
ولو تعتب جروحي عليك .. وتشتكي منك إليك
بترجعي تحبي شهر .. ثم ٍ تجافيني شهر
ثم ٍ تحنيلي شهر .. وتفكري كيف الرجوع كذا شهر
وترجعيلي في شهر ..
ولا يجي في خاطرك ان السنة اثنعشر شهر

اعذريني لو اقول .. حبك نسى معنى الفرح
اعذريني لو اقول .. وشلون يذكرنا الفرح ؟!
مادام اذا كنتي قريبه .. كل تفكيري يكون ..
بُعدك متى ؟! .. وإلى بعتي ابلا سبب
الاكيد بترجعي .. بس الأكيد هذا متى ؟!
ولو تعب مني الصبر .. وملّ من صبري العذول
وقلت ياناس اسألوها .. الحب هو كله هجر ؟!
ردك يجيني في شهر ..
قالوا تقول :
" ماينتظر .. بس يشتكي !
يصبر عليّ .. ترى السنة اثنعشر شهر " ؟!

أستاهلك

ابسألك .. هو أنا استاهلك ؟
!استاهل الدمع اللي جرّح وجنتك ؟
استاهل اني اعشقك ؟

ابسألك عن حالنا .. انتي وانا ياللي احس ..
انك انا حالنا ما هو غريب
انـّا نكون متأكدين ان الفراق ما هو بعيد
بالرغم من جرح السنين عشقنا دايم يزين
ماهو غريب .. اني لو مرة في همي نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب ..
استاهلك

ابسألك لو قلت لك
ان الحنان اللي في قلبك ينبت من الصخر الزهر
.. وان النهار اللي في خدودك يخلي النسمة عطر
.. وان العذاب اللي في عيونك يعلـّم الناس الشعر

.. ولو قلتلك اني احبك اكثر من هموم البشر
وكثر الجفا وكثر السهر ...
لو قلت لك وانك اقرب من عيوني للنظر
كل الذي اقدر اقوله واللي ما اقدر اقوله
استاهلك .. حبيبتي ؟!وباجاوبك
.. للأسف ما به احد يستاهلك

نـسـاي

نســـــــــاي ..
وانت الهوى بالنسبه لي والماي
اسمع انا صوتك ولا تسمع نداي
اشهق انا بأسمك واشتاق لك وانته معاي
نســـــــــاي ..
اكتب على سمعي اغاني واغنيك
حيرتني .. واحترت انا فيك
تزعل بلا اسباب وتعاند واراضيك
بكل حالاتك ابيك بكل زلاتك ابيك
حبيّبي انته ولا العذاب انته
ولا الفرح انته مدري شسميك
نســـــــــاي ..
اشهق انا بأسمك واشتاق لك وانته معاي
نســـــــــاي ..
تغيب .. والدنيا معاك تغيب
تقطع خيوط الشمس عني
ويصبح العالم كئيب
واصبح انا لوحدي على ارضك غريب
ما تكتفي من غربتي ما تكتفي من حيرتي
الله .. كم انت عجيب الصمت دايم لعبتك
رد يا حبيب الصمت احياناً رهيب
اشهق انا بأسمك واشتاق لك وانته معاي
نســـــــــاي

الصبر

الصبر ... مالي انا الا الصبر
الغدر .. وشلون جاء منها الغدر
ياقلب ابي منك العذر
انا ما هقيت ان الفجر يقدر يخون وقت الفجر
وان السنين تقدر تمر ابلا عمر
لا ماهقيت ان الوفا في قلبها ماله قدر
واني انا محتاج مني الصبر
ياقلب ابي منك العذر .. وان مارضيت مالي جدى كود الصبر
ياجرحي في كل الدهر فارقت انا الدنيا
يا طعنةٍ وسط الظهر .. لابد انا انساك
بنسى انا كل اللي راح .. بنسى الفرح لجل الجراح
بنسى قصيدي والشعر .. بنسى سنيني والعمر
مع الهجر يمكن في يوم اسلى
وان ماسليت او ما نسيت
منك العذر .. مالي جدوى كود الصبر
ياللي خذلتي مدمعي .. ان كان ودك ترجعي
عندي طلب .. لاترجعي
ياللي خذلتي مدمعي .. ان كان ودك ترجعي
شرطي صعب ! ..
لو تجمعي آهات قلبي اللي انجرح
وتنسي السعادة والفرح
وتتعذبي
وبعد العذاب تتعذري

بيني وبينك سبعة ارقام وجفا
عندي بقايا جرح وعندك بقايا وفا
لاجزا الله هالدنيا خير
في كل لحظة طبع غير
ياللي جفاك طوّل
ترى المغيب اقبل
وما عاد به شي ٍ نخافه
لامن غدت كل المسافه بيني وبينك سبعة ارقام
سبعة ارقام وجفا

بيني وبينك كان شي ٍ يسمى حب
كنا بنقطع به درب ٍ طويل ٍ صعب
فيها الحسد والخوف
فيها العذول اللي يستمع بالشوووف
فيها الرجوع اصعب من النسيان
فيها الصديق اقسى من الانسان لامن جرح انسان
ياللي احبك غصب
الدرب ماله درب
وكل شي صرنا نخافه
دام انها كل المسافه .. بيني وبينك
سبعة ارقام وجفا

ياللي ضيعتي الوفا
اليوم ضيعني الوفا !
اقبلي مني الجفا .. واقبلي عمري اللي ضاع
وارضي لي بـ الهم رفيق
ولا لمحتي مركبي في بحر حبك غريق ..
ابعدي .. لاتضعفي .. لا تمدي لي الشراع
ياللي قتلتي كل شي
ما ابغى منك الا شي
حققي لي اللي ابي واقبلي مني الوداع
ولاذكرتي ما مضى ... اكتبي سر الضيااع
سبعة ارقام .... وجفا ,,,

يــــــا غـــزال,,

يـــاغــــزال .. يـــاغــــزال ..فــيـــنـــو
الــلـــي ســافـــر يــاغـــزال .. فــيــنــو
ياغـزال خبرنـي وطمنـي أخبـاره .. إيـه
قلبي وعيوني وأفكاري .. شغلوني عليـه
حـــــارتـــــه اشـــتـــاقــــت إلـــــيـــــه
كـــــــل يــــــــوم تــــســــأل عــلـــيـــه
يـــــاغـــــزال قـــــبّــــــل عــيـــنـــيـــه
ياغزال بغيابه فرحتنا .. صـارت أحـزان
ياسميـن وفـل جنينتـنـا .. أصـبـح ذبــلان
مـــــــا وصـــــــل مــــنــــه ســــــــلام
يـاغــــزال واللهــــرام
بــيـــتـــنـــا يـــصــــبــــح ظـــــــلام
يـــاغـــــزال
خايف لو طوّل يتحوّل .. وعيونـه تخـون
وأرجع أتعذب من أول .. والعشره تهون
لـــيــــش مـــــــا يـــرســــل كــــتــــاب
يــــشـــــرح أســــبـــــاب الـــغـــيـــاب

كلـــمات:لطفي زيني ..
الـــحان:طلال مـــــــداح ..رحمه اللــــه ..

بعد الغياب

بعد الغياب
ودّي أشوفك مقبله
من لهفتك .. مستعجله
في خطوتك ... شوق وحنان
وفي نظرتك .... معنى الأمان
وأفتح إيديني
للقا ... ساعه
تنسّيني
الشقا .. ساعه .. بعد الغياب

بعد الغياب
تبحر مراكبنا .. سوى
نرسى على مرسى الهوى
نسهر ... في أحضان القمر
ننسى العتب .. واللي هجر
وأفتح إيديني
للقا ... ساعه
تنسّيني
الشقا .. ساعه .. بعد الغياب

بعد الغياب
جتني بشاير طلّتك
ضمّت عيوني .. بسمتك
وهلاّ بخطوتك.. قلبي
ونور بالهنا دربي
وفتحت قلبي
للقا ... ساعه
تنسّيني
الشقا .. ساعه .. بعد الغياب


كلمات / محمد العبد الله الفيصل
ألحان / عبادي الجوهر

لو شفتها

لو شفتها قلها ..!!
أني على ما بدى مني عرفت الندم ..
وأني بعد مافارقتها صارت حياتي عدم ..
لو شفت أجمل ماخلق ربي .
وقالت لك : بيلعبي ..
ولاعمره عرف يسهر ..
على حبي وجرح قلبي ..
قلها اني على ما بدى مني
عرفت الندم ..
واني بعد ما فارقتها
صارت حياتي عدم ..!
ياعلها تسمح
ياعلها ..
لو شفتها قلها ..
لو شفتها .. أوصفلها ليلي الطويل ...
لو شفتها .. قلها اصبح عليل ..
واتحطمت في نطرته .. كل الأماني ..
وأتبدلت حاله بحاال ..
وقلها ..!
اني على ما بدى مني عرفت الندم ..
واني بعد مافارقتها صارت حياتي عدم ..!
ياعلها تسمح ..!
ياعلها ... لو شفتها .. قلها ...

نامت الأشواق

نامت الأشواق في عيون السهارى
غابت الأحلام من ليل الحيارى
وانتهت قصة الأحزان في قلوب الأحبة
أنتهت وكل قلب ارتاح و اتهنى في دربه
إلا أنت يا قلبي متى ترتاح
موعود في حبك أسى وجراح
ونامت الأشواق في عيون السهارى
غابت الأحلام من ليل الحيارى

دارت الأيام و اتبدل هنانا
غابت الأفراح عن قصة هوانا
وش صار مني
وش غير الأحوال
ما كان ظني
تتبدد الآمال
وتغيب شمسك عن سما حبي
ويحتار قلبك وينجرح قلبي

يا ساكن الوجدان
لا تترك الأحزان
تلعب بأيامي
قلبي معك مظلوم
دايم وانا محروم
حتى في أحلامي
البعد خلا دموعي تزود
ما كان بيني وبينك عهود
ونامت الأشواق في عيوني السهارى
غابت الأحلام من ليل الحيارى

كلمات / محمد العبد الله الفيصل
ألحان / عبادي الجوهر

كفاك غرور

كفاك غرور كفاك غرور
صحيح ان السحاب انتي
واعشاب الربيع انتي
واجمل من على هذا التراب
انتي
وفي عز الليل لو بنتي
يطير الصبح من كف الربى عصفور
ولكن الليالي تدور
كفاك غرور

سقاني صوتك البارح
مرار الجرح والترحال
صحيح ان البحر مالح
ولكن العطش قتال
سألتك عن ظماي امطار
سألتك عن هواي اخبار
سألتك كلمتين كلمتين اعذار
ولكن ما تعذرتي
وحقك لو تكبرتي

انا دمع وحنين وهمس
وقلب يخفق بصدري
ومدري من حبيب الشمس
ولا ودي بعد ادري
يكفيني دفى انسان
يشاركني فرح واحزان
ونورك في السماء لو بان
اشوفه مثل كل الناس
واحبه مثل كل الناس

أنا وانتى

انا وانتى وبس .. وما معنا احد
ولا غابت البسمه
من ليالينا ابد ،، يدك في ايدينى ،، والنظره في عينى ندا ... ماله مدى
لك انتى وبس .. وما معنا احد
ودى يكون الكون .. ما به احد .. الا انا وانتى
ودى نجوم الليل ما تسهر ابد ! الا معاك انتى
ولا يظهر في الليالى القمــر .. ولا يحلى للحبايب سمـر ..
الا انا وانتى وبس .. وما معنا احد
أخاف لو هبت النسمات ،، تشاركنى شذى عطركـ
وأخاف لو كثرت البسمات ،، يجاوبها سنا ثغرك
أظن في بسمتك ع الناس .. ابيها لصادق الاحساس
لى انا وانتى وبس .. وما معنا احد

كلمات/ محمد عبد الله الفيصل
الحان/ عبادى الجوهر

وش تبين

ش تـــــبـــــيـــــن ؟!
تـــــجـــــرحـــــي ؟! ..
افرحي .. مابقى مني أنـا غيـر الجـراح
وش تـــــبـــــيـــــن ؟!
تـــــعـــــذبــــــي ؟! ..
ابشري .. الفرح من دنينـي ولـىَ وراح
والحيـن سويتـي كـل اللـي تبـيـن ..
اتركينـي دمعـة فـي خـد الجـراح ،،،

الثوانـي عـمـر .. والفـرقـا دهــر
والحقيقـة كــذب .. والدنـيـا حــذر
حبك انتي شمـس .. ناسيهـا الغـروب
بالحيـل تحرقنـي .. ولا منهـا هـروب
وش تـبـيــن ؟! .. اشــكـــي !؟
والا تــبــيــن ابـــكــــي !؟
يـالـلـي الـمـلــل طـبـعــك ،،
طـبـعــك نــســى هــمــي ،،

كانـك تبيـن الكـل يـدري بقسوتـك ,,
عــلــيّ أنـــــا ســمـــي ,,
بَعاهـدك أنـي أقـول انـك قتلتيـنـي ,,
و اكتبـت عـلـى صــدر السـمـا ..
أصـــدق قـصـيــدة حــــزن ,,
واني كثر عشقي لـكِ ..كنتـي تجافينـي
و إن شككوا في ضعفي فيك وفي قسوتك ,,
كـــونـــك جـرحـتـيــنــي ,,
أبوعـدك أنـي .. أسقـي العِـدا دمـي

كلمات / عبدالرحمن بن مساعد
ألحان عبادي الجوهر

وش نقول

وش نقول ليمن حكى فينا العذول
ما لقى غير الحكى
ما درى انى لكـ
والدنيا تضحك في عيوونى ،، لما اشووفك تضحكي
ليتهم شافوا
اللي شافت فيك عينى ..
دنياي تقبل .. الا منك نويت بتجيني
واكتسى الكون
بالوان الربيع
والهموم اللي فى قلبي ،، كلها تضيـع
كانوا قالوا مستحيل ،، إن أبدل بك خليل
وش نقول ليمن حكى فينا العذول
يا حبيبى
كل ما قالوا علينا ... ما علينا
ما همنا قول حاسد
وحبنا خير شاهد
وياما قالوا عن هوانا
وانا وانته ما درينا ،، عن كلام العاذلين ،، في هوانا لا يمين
وش نقول ليمن حكى فينا العذول

كلمات / محمد عبد الله الفيصل
الحان / عبادى الجوهــر

الله يعين

الله يعين
وشلون أبصبر
حتى تجين
من يوم ما طريتي السفر وانا قلبى حزين
وشلون ابصبر
الله يعين
الله يعين العين .. اللي انتي نورها
فرقاك
ما هوب من مقدروها .. ليتك خذتيني معك اقدر اشوفك اسمعك
من يوم ما طريتي السفر
وانا قلبي حزين
وشلون ابصبر
الله يعين
وحل الوداع
حسيت كانى في ضياع
ما ودى اظهر لعينك لوعتى ،، ولا ودى انك تشوفى دمعتي
وجلست بعدك اقول ..
عسى غيابك ما يطول
من يوم ما طريتي السفر
وانا قلبى حزين
وشلون ابصبر
اللــه يعين
_______
كلمات/ محمد عبدالله الفيصل
الحان / عبادى الجوهـــر

عرفنا بعض بالطيب

عرفنا بعض بالطيب
نسيّب بعض بالمعروف
بلاشي نضيع الطيّب
نفارق والعوض مخلوف
دارينا وضعنا بتفكير
لقينا صفونا تعكير
بلاشي نضيع الطيّب
بودّي لو تفاهمنا
وعشنا وضعنا ... بمفهوم
ولكن ...
كل شي بيننا
تعدى الحد والمقسوم
دارينا وضعنا بتفكير
لقينا صفونا تعكير
بلاشي نضيع الطيّب
أنا مُقدّر لإحساسك
وعارف ...
ظرفك القاسي
ولا أنسى ..
لك إخلاصك
على الله ما تكون ناسي
دارينا وضعنا بتفكير
لقينا صفونا تعكير
بلاشي نضيع الطيّب

كلمات / نجيب بطيش
الحان / عبادي الجوهر

أصدق ماكتبت (غديتي شمس)

انتي..تدرين مين انتي؟

تدرين انك غديتي لك كل شي

وانك غديتي شمس عمري وفي الهجير الفي

وانك اصدق ماكتبت

قبل احبك ياما كذبني القصيد
وبعد حبك صار يكتبني القصيد..

هو يوصفك بسمه وطرف
وانا اعشقك في كل حرف

منك شكالي وصف حسنك اتعبه
وانا شكيتك وعشقي لحبك اعجبه

وانك اصدق ماكتبت
وانك اصدق ماكذبت
وانك احلى ماكتبت


كلمات:عبدالرحمن بن مساعد

الحان:موسيقار الجزيره العربيه عبادي الجوهر

يا حلاوه

يا حلاوه يا حبيبي .. يحق لك
تؤمر وتنهى .. من يقدر يسالك
يا حلاوه يا حبيبى
كل شي لايق عليك
خفه الدم اللي تذبح .. والسحر اللي في عينيك
دوخوني ، حيروني .. خلوا امرى في ايديك ..
يسالونى الناس .. ايش حببني فيك
شي غريب الناس .. ما شافوا عينيك
والإ ما سمعوا كلامك
المحلا بابتسامك
حتى في حاله خصامك ،، رقتك تشهد عليك

كلمات/ لطفى زينى
الحان/ طلال مداح .. رحمه الله عليهم

اهل المثل قالوا

اهل المثل قالوا .. من قبلنا قالوا
اللى مو ع البال .. حاله صعيب حاله
ويشــوف
حبيب قلبه قلبه رايح لعذاله
يتمنى لو انه انه يخطر ع باله
لكنه مو ع البال
حاله صعيب حالــه
انا اللي حالى صعيب ،، عايش وحيد وغريب
يومى لاهاتى
والسهد ليلاتي
والشوق خلاني
من بعد خلاني
حالى صعيب حـالى

الحان / جميل محمود

الله معاك

الله معك
رايح خلاص
الله معك
خلّي العناد
وخلّي كلام الناس ..
خلّيه ينفعك
والله معك

رايح خلاص وكأننا أغراب
لا بيننا موده
ولا كنا في يوم أحباب
الله معك

الله يا دنيا ،، صحيح
شفنا في أحوالك عجب
فيك الثمين ،، مسكين
يرخص ولو أنه ذهب
والله معك

ياسلام
من كان يصدق
أن ده يجرى لنا
من كان يقول
أن انته تدوس
قلبي انا
وتروح وتنسى حبنا
وترميه
تكرهني من قلبك
وتكره المكان
اللي إحنا عشنا فيه
والله معك

كلمات/ لطفى زيني . رحمه الله
الحان / عبادي الجوهـــر

لا تكذبي

لاتكذبي ما عاد شىء ٍ في حياتك مطلبي
لاتكذبي
لاتكذبي لو كان عمري بين أيدينك عذبي
لاتكذبي
لا تصنعي دمعات عينك
لاتشتكي لحظه أبسنينك
ماعاد شىء ٍ في حياتك مطلبي لاتكذبي

وشكثر قسيتي تذكرين
وشكثر نسيتي تذكرين
ياما عشقتيني أبغدر
ياما تحملت العذر
لا تنكرين
لا تصنعي دمعات عينك
لا تشتكي لحظه أبسنينك
ماعاد شىء ٍ في حياتك مطلبي لاتكذبي

والحين روحي وأتركي كل الآلم
ما عاد شىء ٍ في حياتي إلا الندم
لو كان تنوين الرجوع
لا تكذبي
لاترجعي
لا ترجعي
لا تصنعي دمعات عينك
لا تشتكي لحظه أبسنينك
ماعاد شىء ٍ في حياتك مطلبي
لاتكذبي
لا تكذبي

كلمات ألبوم دقايق - جلسة طرب 2010 - عبادي الجوهر


لقاء


لقا ، وش باقي عقب اللقا
الاّ الدموع اللي تروح
و القلب خفّاق الجروح
وش باقي غير الشقى
كان اللقا .. ثم افترقنا وش بعد
كان اللقا .. الروح ذابت و الجسد
أبد أبد ..
قلبي بعد ما هقى لقا

يا اللي على قلبي تتيه
و تذوب في نشوة هواي
اطلب لقا و تقول ليه
و يذبل من صدودك رجاي
كلّه عشان اني اقول ابغى اللقا
و اروي من اللقيا ضماي
ردّ اللقا دايم جفى
دايم تقول ماله مدا
رجع الصدى يحمل نداي ..
ردّ اللقا دايم جفى
كان اللقا .. ثم افترقنا وش بعد
كان اللقا .. الروح ذابت و الجسد
أبد أبد ..
قلبي بعد ما هقى لقا

دقايق


دقايق .. لو سمح وقتك دقايق
انا مشتاقلك بالحيل و ضايق
وحشني صوتك و خوفك عليّه ..
ليالي غيبتك مرّة و تضايق

في عيني وين ما ترحل أشوفك
و اسلّي نفسي و اتخيّل وصوفك
يحسبوني نسيت و ما نسيتك ..
وربّي عالم بكل الحقايق

أغنّي بكثر شوقي لك أغنّي
كثر ما كنت لو حبّك سكنّي
و انا من زود ما دمعي فضحني ..
أداري وجهي عن كل الخلايق

أحبّك و انت تدري كيف أحبك
و ما تكفيني في حبّك " أحبّك "
عزاي اني أحبك طول عمري ..
و لا يسوى العمر بعدك دقايق

اسمحلي يا قلبي

اسمحلي يا قلبي مقدر اطيعك
تعبت عيوني و هيّه بس تراقب حبيبك
لو يبتسم .. تسأل لمين
لو يلتفت .. تسأل لفين
اسمحلي يا قلبي

اشغلتني بخلّك
و انسيتني ما عداه
كأنه مافي الكون من تحبّه سواه
هذا و هوّه قريب .. مجلسي جنبه معاه
لو يبتسم .. تسأل لمين
لو يلتفت .. تسأل لفين
اسمحلي يا قلبي

صحيح هوّه حلاه زايد شويّه
صحيح برقّتو سيطر عليّه
محتارة أتأمّلو والاّ أداريه
أحاوطو بيدّي والاّ افتن عليه
لو يبتسم .. تسأل لمين
لو يلتفت .. تسأل لفين
اسمحلي يا قلبي

من للحزن غيري

لو تركت الحزن من للحزن غيري
من يشيل الهم في الدنيا سواي
العذاب اصبح بهالدنيا مصيري
و الألم من مولدي عايش معاي

كل ما شدّيت للفرحة مسيري
ردّت جروحي تدوّر عن خطاي
تصرخ الآمال في رجوى أثيري
لكن الأيام ما تسمع نداي

أبذل الأشواق لاجل ارضي ضميري
و ابتدي بالحب و انهيبه عطاي
كن هالافراح مكتوبة لغيري
و انكتب في صفحة أيامي شقاي

ماني بدنيا عذابي مستخيري
تفرض الدنيا علي أحيا عناي
أبتعد و الحزن يتبع خطّ سيري
و ان لقيت الدرب ضاعتبي مناي

قليل أحبك


قليل أحبك ، لا ما احبك
كلمة أحبك صارت قليل
لك في حنايا هالصدر .. واحة نخيل
وجه ٍ أعرفه من عمر .. وجه ٍ نحيل
ليه انتظرتك وقت و مسافة
مرّات أعرفه .. و مرّات أخافه

مافي البعيد أجمل .. و لا في الظلام هناك
حبيبي لا تزعل .. بتعب و لا أنساك
خذني لأبعد من بعيد الجرح .. و انسى من الباقي
يكفيني الحالك معي ، يا فرح .. يا شمسي و اشراقي
خلّيني كل الناس ..
يا اللي بعيوني الناس
ما يفرق أي واحد .. ما دامنا واحد
لك في حنايا هالصدر واحة نخيل
وجه ٍ أعرفه من عمر .. وجه ٍ نحيل
ليه انتظرتك وقت و مسافة
مرّات أعرفه .. و مرّات أخافه
قليل أحبك