أسف يارب

أسف يارب
إحسب كدا
كم مرّة بيك الدنيا ضاقت
وفضلت شايل همها
كم مشكلة واتعقدت
ربك لوحده حلّها
كم مرة ضلـّيت الطريق
وغرقت معرفتش تعوم
كم مرة ربك ينجدك
وكنت مش قادر تقوم
وبعد مانهيت الحساب
وبعد ما عرفت الحقيقة
حاول فى مرة تفتكر
تقعد مع نفسك دقيقة
افتكر يوم لما قولت
اشمعنى انا
فقر وهموم طول السنة
اشمعنى انا
ليه حلمى عايش تحت أرض
وحلم غيرى فى السما
هتلاقى نبضك زاد فى قلبك
ومرة واحدة تفتكر
ان اللى قولته.. عتاب لربك
يبقى انت لازم تعتذرله
بينك وبين نفسك تقولـُّه
أسف يارب

سلمت يداكِ عزيزتي ورد شان