زهقت من نفسى :( ومش عارف اتعامل معاها ازاى ؟؟

زهقت من نفسى :( ومش عارف اتعامل معاها ازاى ؟؟


كتييير مننا خلاص هيطق من [ نفسه ] ..
نفسه يبقى ل[ ملتزم ] بمعنى كلمة [ ملتزم ] ..
مش يوم فوق ويوم تحــت والله المستعان ..

ممكن تسمع درس موعظة وتنشط حالتك الايمانية وتأخد قرارات ..

وهعمل كذا وهخلى كذا و ان شاء الله مش هضيع اورادى والمرة دى ان شاء الله

مفيش تراجع ولا استسلااااااااام :


وعينك ما تشوف الا النووور

ولا حاجة عملها .. و لا قرار نفذه ..

هو اه اشتغل يومين .. وخلااااااص مش لاقى قلبه تانى ..

ونفسه غلبته ... واتبع هوووواه ..

ورجعت ريما لعادتها القديمة ..



طيب انا هعمـــــــل ايه ؟؟

:((



لازم عشان تمشى صح فى الطريق ..

لازم تأدب نفسك وتخليها تمشى على العجين ما تلخبطوش > زى ما بيقولوا :)

لااازم تقف مع نفسك وقفة .. ( وقفة رااااجل )) ..

وتقولها يا انا يا انتى بقى .. انا خلاص جبت اخرى منك ولازم حالك يتعدل ..

لازم تعرف نفسك صح ..

" ومن عرف نفسه عرف ربه "

لأن نفسك دى اكبر عدو ليك .. الشيطان برضو عدوك

لكن ,,

الشيطان تعرف تدفعه بكل سهولة وتبعد كيده وشره عنك .. ازااى ؟؟

بإنك تستعيذ بالله منه ..

"" أعوذ بالله من الشيطان الرجيم "

بس ما تقولهاش كده بلسانك وخلاص .. لا بقلبك ..

يعنى فى قلبك ..

" يا رب الجأ اليك واستعيذ بك من الشيطان الرجيم وشره "

واديك كده خلصت من الشيطان وشره ..

انما نفسك التى بين جنبيك لا تستطيع التخلص منها .. انما تستطيع مجاهدتها

وتهذيبها ..



عشان نعرف ازااااى نتعامل مع انفسنا .. لازم نطبق [ خمس ] شروط :

( 1 ) المشارطة .

( 2 ) المراقبــة .

( 3 ) المُجاهدة .

( 4 ) المحاسبة .

( 5 ) المعاقبــة .


يعنى ايه الكلام ده ؟؟ ! مش فاااهم ..




( 1 ) المشارطــــة ::



يعنى مثلا ..

كل يوم الصبح بعد ما تصلى الفجر وقبل ما تطلع من المسجد تقف مع نفسك

و تقولها .. يا نفس .. احنا قدامنا من دلوقتى [ 12 ساعة ] ..

من 6 الصبح الى 6 المغـــرب ..

انا هسلمك [ الادوآت ] .. عين , اذن , ايد , رجل , لسان ...

وكمان هسلمك [ رأس المـــآل ] .. > العمـــــر ..

بس شرطى .. تسلمينى المغرب ♥ الجنَّـــة ♥ ..

وما تخرجش من باب المسجد الا لمَّا نفسگ [ تمضى ] ..

يعنى نفسك هتقولك انت محبكها كده ليه .. دا ده بقى هو التزمت بعينه ..

يا عم ربنا غفور رحييييم وانت كده هتتعبنى معاااااااك ..

قولها :: خلاص برااحتك ادينا قاعدين فى المسجد ..

هتقولك :: والشغل والعيال ومدارسهم ..

قولها :: مش لااازم الجنة عندى اغلى ..

هتفضل تطلع لك فى اعذااااااار .. وانت قفل عليها ..

لحد ما نفسك هتيجى معااااااك الاخر .. وتمضى على الشرووووط ..




( 2 ) المُراقبــــة :: [ + ] :: ( 3 ) المُجــاهدة ::


لازم الانسااان يرااقب نفسه ومع المراااقبة المُجاهدة ..

" الا تلتفت النفس عن السير الى الله "

وأجاهد نفسى الا افعل المعصيـــــــــة وتفضل طول النهار واقف لـ [ نفسك ] بالمرصااد

ولازم ترااااقب نفسك بــ [ ضميــر ] .. وبدقــة ..

فإذا وقعت أتبع السيئة الحسنة تمحها ..

قال رسول الله > ما تصلى عليــه ..

عليه افضل الصلاة واتم التسليم ..

" اتق الله حيثما كنت واتبع السيئة الحسنة تمحها "

و ممكن اصلى ركعتين توبة من هذا الذنب ..





( 4 ) المُحـــاسبــة :: يوم بيــــوم .. ::

.

زى مثلا والدنا الحبيب لما يكون فاتح حساب عند البقال ..

وطول النهار الاولاد والحاجة بيشتروا ويسجلوا عالحساااب ..

فالوالد وهو مروح بيعدى على البقاال ويشوف الحساب كام ويدفع يوم بيوم

فبيروح بيته وهو مستريح ومش عليه حاجة لحد ..

إنما لو ما دفعش الحساب يوم بيوم هيتراكم الحساب فوق بعضه وممكن يلاقى رقم يعجزه ..

نفس النظام مع نفســك ::

قال الله تعالى ::

(( يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ(18) ))


لازم كل يوم تحاسب ( نفسك ) وتنام وانت مستريح ومطمئن ومش عليك ذنب معين الا وتبت منه ..


فى اخر يومك .. تقعد مع نفسك بقى وتستعيــد شريط يومك كــله من اول اليوم لآخره ..

وكل عمل صالح انت عملته هتحمد الله عليه وتشكره ان وفقك لهذا العمــل ..

و تمشى الشريط واول ما يجى ذنب ( stop ) .. وقف الشريط ,,

لحد ما تتوب من الذنب ده وتستغفر .. وبعدين كمل ..

لحد ما تخلص شريط يومك كله .. تماااااام


ناااااااام بقى وانت مستريــــح .. وعال العـــال ..



:: اخيـــرا ::

( 5 ) المُعـــآقبة ::

تعاقب ننفسك ..

مثلا ::

يشق عليك صلاة الفجــر فتعاقب نفسك بإنك تحرمها من النوم الليلة كلها

لحد ما تصلى الفجر ..

ممكن نفسك تغلبك وتفضل سهران الليلة كلها وتجى تنام قبل الفجر بدقائق ..

وتصحى الصبح تلاقى نفسك ما صليتش الصبح ..

يبقى تنوى صيام اليوم ده عقابا لها ..

>> بس انا مقدرش اصوم .. دا الجو حر والصيام صعب ..

دا انا ممكن اموت فيها .. ماشى مش مشكلة تموت ده حتى انت هتموت

وانت صايم وهتدخل الجنة ان شاء الله

" من ختم له بصيام يوم دخل الجنة "

المهم لاازم تعاقب نفسك بالحاجة اللى انت عارف انها صعبة ع نفسك جدا وشاقة

عشان تؤدبها وتقول حرمت خلاص .. هصحى اصلى ان شاء الله الفجر حاضر

وكمان هعمل الطاعات والخيرااات ووو..

> صدق اللى قال ( نفس ما بتجيش الا ) بــ ... > العقاااب


كان فيه احد التابعين بيقول انه كان بيغتاب .. وعشان نفسه يبطل الغيبة

فقال خلاص .. كل واحد هغتابه هصوم عليه يوم ..

وفعلا بقى كل واحد بيغتابه بيصوم عليه يوم .. لحد ما الصيام اجهده ولسه برضو

نفسه تدفعه للغيبه .. >> ما اتغيرتش ..

فقال خلاص كل واحد هغتابه هطلع صدقة ..

فبيقول لحد ما دفعنى حب المـــال الى ترك الغيبة ..

يعنى نفسه محبب اليها المال فتركت الغيبة عشان ما تطلعش المال اللى هى بتحبه ..

فكل واحد عارف نفسه ايه نقطة ضعفها .. >> فيغلبها بنقطة ضعفها

فيجب ان تعرف المداخل اللى تدخل بيها لنفسك ..

عشان فى الآخر تقدر تتعامل معاها ..


من كلام شيخنا ( محمد حسين يعقوب ) بتصرف ..



ودلوقتى ::

انت وانتى سمعتوا الكلام ده ..

ممكن تقولوا ايه الكلام الصعب ده .. انا ازاااى هعمل كده ..

ده صعب اوووووى على وشغلانة ..

بس هقولك الجنة برضو مش رخييييصة .. اتعبلك يومين فى الدنيا

اللى هى ما تساويش حاجة فى الاخرة ..

عشان تنال ..

♥ الجنَّـــة ♥ > التى فها ما لا عين رأت ولا أذن سمعت ولا خطر على قلب بشر ..

وممكن تسمع الدرس ده ... رااائع

وصف الجنة ♥ د/ حازم شومان ~

هيقولك يعنى ايه جنة .. هيوصفلك الجنة دى شكلها ايه ..

عشاااااان تعرف النعيم اللى مستنيك فى الجنة فتشتغل ...

وتذكر قول سيدنا عمر - رضى الله عنه _ :

" حاسبوا انفسكم قبل ان تحاسبوا "


::::

ممكن تكون بجد حيرااان وتعباااان وكان نفسك تلاقى حل

مش عارف تتعامل مع نفسك ونفسك تعرف ازاى تتعامل معاها

وربنا بعتلك لموضوع ده رسااااالة ..>> وهتتحاسب قدام ربنا على كل رسالة اتقالت لك

او ربنا بعتهالك ... فهل من اذن صاغية وقلوووووب واااااعية ..

اجعل رسائل الله حجة لك لا عليـــــك ..


وجزاكم الله خيرا ,,