رضا اصعب أيام حياتي

أصعب أيام حياتي هي الفترة اللي فاتت
موجوع و النار في قلبي و انا باتقطع و ساكت
الدنيا ضاقت بيا و اتقفلت في عينيا
و الصبر بيشكي مني وانا فاكره بيشكي ليا

حاجة واحدة بينتلي مين عدوي و مين حبيبي
واما الأيام خانتني كله باعني . عرفت عيبي
وانا عيبي طيبة قلبي و الجراح كانت نصيبي
معقولة اصدق اني انجرحت بإيد حبيبي

مين يتحمل عذابي عايش من غير حبايب
وفضلت كتير ادوّر و لقيت الحب غايب
ليه الناس بيموت ضميرها و الدنيا اتقل خيرها
ليه كلمة (يلا نفسي) مش باسمع حاجة غيرها

حاجة واحدة بينتلي مين عدوي و مين حبيبي
واما الأيام خانتني كله باعني . عرفت عيبي
وانا عيبي طيبة قلبي و الجراح كانت نصيبي
معقولة اصدق اني انجرحت بإيد حبيبي