الملف الكامل للعناية بالقدمين إليكِ سيدتي طرق العناية بالقدمين خطوة بخطوه

الملف الكامل للعناية بالقدمين

أولا: النصائح البسيطة أو العادية

- الكعب العالي حاولي تتجنبيه بقدر الإمكان
لأنه مضر بالقدم والظهر أيضا
ولو اضطريتي تلبسيه اعملي حمام ماء دافي لما ترجعي مع التدليك.

- كمان الأحذية الضيقة غلط على القدمين حاولي تتجنبيها
وبرضه لو اضطريتي يبقى تعملي الحمام الدافي ليها بالملح.

- غير كده وانتي خارجة لو بتلبسي جوارب أو أحذية مقفولة
يفضل وضع البودرة الخاصة بالقدمين
عشان منع الرائحة وكمان منع انتشار فطريات القدم
واللي ممكن لو تطورت تكون لها آثار سلبية سيئة جدا على القدمين
ويفضل انك تلبسي جوارب ألياف طبيعية زي القطن مش ألياف صناعية
لأن القطن بيساعد على التهوية وبيمتص العرق
وبالتالي ما تنتشرش البكتريا في القدمين من العرق.

- لما تيجي تقصي الأظافر
يفضل عدم قصها أو تقليمها من الطرفين بعمق
لأن ده بيخليها لما تطول تاني ممكن تدخل في الجلد وتسبب ألم
عشان كده يفضل انك تقصيها بشكل مستقيم متساوي
وغير كده لا يفضل قص الأظافر وهي مبللة لأن ده بيأدي لتكسيرها أو تقصيفها

- إذا شعرتي بالحكة في القدمين إوعي تستسلمي للشعور ده
لأن ممكن يسبب انتشار أسرع للفطريات
لذلك قومي بغسل القدمين وتجفيفهما جيدا
ثم ضعي كمادات ثلج أو ماء بارد حتى تشعري باختفاء هذا الشعور.

- يفضل من فترة لأخرى تعملي تدليك للقدمين عن طريق بكرة أو كرة

كما هو موضح بالصورة بحيث ان القدم كلها تتدلك مش منطقة معينة





الطريقة دي بتنشط الأوعية والدورة الدموية في القدم وكمان بتساعد على راحتها جدااا

8 طرق سهلة للعناية بالقدمين
جمال وموضة

1. تجنبى المشى حافية القدمين.
   
2. احرصى على ترطيب القدمين يومياً، والفازلين مفيد لأى منطقة فى الجسم (سواء كان الوجه أو الكوع أو الركب أو الكفين أو القدمين).
   
3. واظبى على تدليك الكعبين يومياً بالحجر.
   
4. استخدمى الجلسرين والليمون، فهما من المواد المفيدة للقدم.
   
5. احرصى على تجفيف القدمين جيداً بعد غسلهما.
   
6. اعملى صنفرة أو تقشير بمقشر طبيعي أو طبي مرتين أسبوعياً، لإزالة الخلايا الميتة ومنعاً لحدوث الغمقان والخشونة خاصة عند الأصابع. (اعرفي كيف تصنعي بنفسك مقشر لنعومة قدميكِ )
   
7. ارتدى الأحذية المريحة وابتعدى عن الأحذية الضيقة منعاً للاحتكاكات التى تسبب الغمقان والالتهاب.
   
8. إذا كانت بقدميك تشققات كثيرة وقوية جداً، فانقعى قدميك يومياً فى ماء وملح بالإضافة إلى استخدام المرطبات والجلسرين والليمون.