ثلاثة سنين وانا اخطط يابو سعود
تيسر حالي وجاهز اوفي وعدي بوقته
وفجأه جاتني تتعذر وتقول تأخرت الوعود
وأنا مستغرب واسمع كأني وعدها خنته
حسبت انها تمازحني وتتصنع جفا وصدود
ضحكت بوجهها من قلب مع انها بايخ النكته
وقاالت ارضى بالواقع قلبي ماهو بالمعهود
تغير كل شي صوبك ونصيبي مأضن انته
كنت بيوم محبوبي ولكن مأضن بيوم نعود
وصل من قبل التوصل وانا ذاك الصبر عفته
ولكن تكفى صدقني ويشه ربي المعبود
ترى ما خنتك بغفلة ولا كلمته وشفته
صراحه اهلي قالو لي انه ولد أصل وجود
وجتني أمه بالصوره وبكلمات المدح أخته
سكت وقلت هي فرصه دام الجود في الموجود
وقالو كل من حولي علامات الرضى سكته
وانا فكرت دام امه واخته ما عليهم زود
اكيد أكيد براضيهم اذا وافقت واخترته
وارضي اهلي واخواني مدام ان الفرح مقصود
عطيت الناس انا كلمة ومعاهم وقتي حددته
ولا أقدر اغيرها ترى عند العرب منقود
اوافق واعتذر بكره واقول الرأي غيرته
تبي تشرحلي المنقود تصدق عاد يابو سعود
تبيني اقتنع وارضى بحالً ماعشته
أنا ماني قايل عسى ثراها ورود
بعد ما حطمت قلبي وطعم الموت جربته
عسى فستانها شوك وفي ثوبه عقارب سود
ونارً تحرق الكوشة وتحرق بيتهم حته
وموت في ليلة الدخلة يبرد حرتي ياكود
ولا احس انها بحضنه ويلامس خد لأمسته
علي اهون واذا ماتو ولا بنفس السرير رقود
ترى صعبً علي اتخيل اللي ما تخيلته
عسى قاع الثراء يقسى ويتحول صخر جلمود
وحفار القبر يرفض يسوي فوق مقدرته
ترى دفنة عديم الذات تلوع كبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
ويعلقهم من اطرافة وفوقهم نار وتحته
أنا ماني بحقود وشين ولاني من نسل نمرود
ومن حط نفسه في وضعي يقول اللي انا قلته
مدام الفعل له ردت فعل والله ابشري باردود
ابدعي دامني حي وبغرس للدعاء نبته
واسقيها نزيف القلب ودمعاً مارحم الخدود
وتكبر والثمر ثاري من اللي خانني وصنته
أنا نذرً علي اكتب وافجر القصيد رعود
وأسمع كل البشر صوتي عجبته الآ زعلته
واردد للي يسمعني اذا حبيت حط حدود
وانا حبيت بدون حدود وشوف الي تكبدته
ثلاثة سنين وانا أبني وجت صوره بكل برود
خذت مني شقا عمري وحلماً قلت حققته
ثلاثة سنين وانا اخطط لهذا اليوم يابو سعود
ما شفت يابو سعود الا صورةً اربعه في سته
منقــــــــــــــــــــــــــول
السٌّمعَة
موضوع: ثلاثة سنين وانا اخطط يابو سعود 
العمر
